PRISHTINË, 6 tetor 2026 /Albania Express News/- Merr fund ngërçi politik në Kosovë. Justina Pula është zgjedhur Presidente e Republikës së Kosovës, pas votimit të zhvilluar në Kuvend gjatë orëve të vona të mbrëmjes.
Zgjedhja e Pulës vjen në një moment vendimtar për institucionet e Kosovës, pasi 6 tetori ishte përcaktuar si dita e fundit e afatit kushtetues për zgjedhjen e kreut të shtetit. Gjykata Kushtetuese kishte përcaktuar se, në mungesë të zgjedhjes së presidentit brenda këtij afati, vendi do të shkonte drejt zgjedhjeve të reja.
Në garën për postin e Presidentes ishte edhe deputetja Eliza Hoxha.
Votimi u zhvillua në kuadër të seancës së jashtëzakonshme të Kuvendit të Kosovës, e cila u mbajt në një klimë të tensionuar politike, pas ditësh debatesh dhe mosmarrëveshjesh mes subjekteve parlamentare.
Krahas zgjedhjes së Presidentes, në seancë u shqyrtuan edhe çështje që lidhen me Dhomat e Specializuara të Kosovës.
Zgjedhja e Justina Pulës shmang skenarin e zgjedhjeve të reja dhe i hap rrugë funksionimit të plotë institucional të Republikës së Kosovës pas një periudhe të gjatë pasigurie politike.