LIBRAZHD,16 maj 2026/Albania Express News/Kushtet e këqija atmosferike bllokojnë sërish aksin Librazhd–Përrenjas, qindra automjete në pritje
Reshjet intensive dhe përkeqësimi i motit kanë sjellë sërish probleme në qarkullimin rrugor në aksin nacional Librazhd–Përrenjas. Segmenti pranë zonës së Dragostunjës është bllokuar, duke shkaktuar radhë të gjata automjetesh në të dyja drejtimet e rrugës.
Dhjetëra drejtues mjetesh dhe familje që udhëtonin në këtë aks kanë mbetur të bllokuar për shkak të vështirësive në qarkullim, ndërsa situata vijon të mbetet problematike si pasojë e kushteve të këqija atmosferike.
Në pamjet e siguruara nga vendngjarja duken vargje të gjata automjetesh, ndërsa drejtuesit presin normalizimin e situatës dhe ndërhyrjen për zhbllokimin e rrugës.
Autoritetet u bëjnë thirrje qytetarëve të tregojnë kujdes maksimal gjatë lëvizjes dhe të shmangin, nëse është e mundur, qarkullimin në këtë aks deri në përmirësimin e motit dhe rikthimin e normalitetit në trafik.