TIRANË,11 maj 2026/Albania Express News/Pas mbylljes së seancës së sotme në GJKKO, ku hetimet për Ilir Metën dhe Monika Kryemadhin do të vijojnë bashkë në hetim të zakonshëm, avokati i ish-presidentit u pyet në lidhje me deklaratën e tij në seancë për shpenzimet e bëra në shtëpi.
Avokati i Metës, Kujtim Cakrani, tha se shpenzimet i ka bërë zonja Kryemadhi, siç sipas tij edhe vetë ajo e ka pranuar, duke e quajtur më tej si “ministre e brendshme në shtëpi”.
“Në fakt nuk është se hodhi përgjegjësinë, atë e ka marrë vetë zonja që kur është pyetur në prokurori. Ministri i brendshëm në familje padyshim është gruaja”, tha ai.
Ndërkohë, për këtë deklaratë, Kryemadhi dha këtë përgjigje: Unë kam qenë klasa punëtore që zbatoja mbarëvajtjen e shtëpisë.
“Nuk ka asnjë shpenzim te tepruar siç pretendon SPAK. Bëhet fjalë për një ndërhyrje shëndetësore të vajzës time, timen dhe zotit Meta, që janë të gjitha të deklaruara. Për fatin e tij të mirë, duke qenë se ka qenë burrë shteti nuk është marrë asnjëherë me gjërat e shtëpisë, nuk është pjesë e asnjë lloj shpenzimi dhe marrëdhënie time me kushëririn tim Adrian Sharku. Për fat të keq Ilir Meta për shkak të politikës, ka kaluar pak kohë me fëmijët e vet”, shtoi ajo.