ELBASAN ,18 korrik 2026/Albania Eexpress News/-Postimi i drejtorit sportiv të AF Elbasanit, Elton Guranjaku në rrjetin e tij social dacebook është një mesazh që shkon përtej një penalltie të humbur ngaj Bate Borisov. Në futboll është e lehtë të gjesh fajtorin e momentit, por shumë më e vështirë është të mbrosh lojtarin kur ai ka më shumë nevojë për ekipin dhe tifozët.
Karrica nuk duhet të mbahet mend për një goditje nga pika e bardhë, por për kontributin e tij dhe për guximin që mori përsipër përgjegjësinë në një moment vendimtar. Kjo është natyra e futbollit: herë të buzëqesh, herë të lëndon.
Mbi të gjitha, nuk duhet harruar se AF Elbasani ka realizuar një rrugëtim të jashtëzakonshëm. Brenda vetëm pesë vitesh, nga Kategoria e Tretë arriti të rikthehej në arenën europiane, diçka që pak klube shqiptare e kanë bërë. Pas 20 vitesh mungesë, verdheblutë e rikthyen Elbasanin në hartën e futbollit europian dhe kjo mbetet një arritje për t’u vlerësuar.
Eliminimi dhemb, por nuk e zbeh suksesin e ndërtuar me punë, sakrificë dhe përkushtim. Kjo skuadër ka fituar respektin e tifozëve dhe ka krijuar baza për një të ardhme edhe më të mirë. Në sport, humbjet janë kalimtare, ndërsa karakteri dhe vizioni janë ato që ndërtojnë histori shkruan Guranjaku .