Kryeministri i vendit, Edi Rama, tha se në lidhje me situatën e Belinda Ballukut, po i bëhet gjyq popullor para se t’i bëhet gjyqi nga autoritetet e drejtësisë.
Rama tha se nuk mund të kërkohet arrest pa gjyq, teksa shtoi se e vërteta e madhe e drejtësisë është prezumimi i pafajësisë për këdo që hetohet.
“U them të gjithëve t’i bëjnë vetes një pyetje: ku ndryshojmë ne? Që të gjithë ne sot, apo të paktën ku duhet të ndryshojmë ne shqiptarët e sotëm pavarësisht bindjeve dhe simpative tona, nga ata që e deshën me doemos të pushkatuar gjyshin e saj?”, iu drejtua Rama atyre që sipas tij kërkojnë burgosjen pa gjyq të Ballukut.
“Kjo nuk është pyetje që e bej sot për të mbrojtur Ballukun, që i takon asaj dhe drejtësisë, por e bëj për të mbrojtur të vërtetën e madhe sepse jam kryeministri i këtij vendi. Kjo e vërtetë e madhe quhet prezumimi i pafajësisë. Kërkojnë arrest pa gjyq”, tha Rama.