Kreu i PD Elbasan Alis Narazani kundër hartës së re territoriale: Bashkimi i Cërrikut dhe Belshit, projekt politik

ELBASAN ,02 gusht 2026/Albania Express News/-Në një deklaratë për mediat, kryetari i PD-së dega Elbasan, Alis Narazani ka folur lidhur me reformën e re territoriale për bashkimin e Bashkisë së Belshit, Cërrikut dhe Elbasanit.

Ai u shpreh se kjo nismë e mazhorancës nuk është një reformë në funksion të qytetarëve, por një lëvizje me prapavijë politike dhe elektorale. Narazani tha se, zgjerimi i bashkive nuk sjell më shumë shërbime dhe afërsi me qytetarët, por e largon më tej administratën nga nevojat e komuniteteve.

Kreu i PD-së në Elbasan argumentoi se një model i tillë bie ndesh me praktikat e vendeve evropiane, ku pushteti vendor organizohet në njësi më të vogla për t’u shërbyer më mirë qytetarëve.

Pjesë nga deklarata:

Partia Demokratike ka kundërshtuar propozimin për bashkimin e bashkive Cërrik dhe Belsh me Bashkinë e Elbasanit, duke e cilësuar këtë nismë jo si një reformë territoriale, por si një vendim me ndikim politik dhe elektoral.

Gjatë një deklarate publike, përfaqësues të degës së PD-së në Elbasan argumentuan se zgjerimi i bashkive nuk sjell përmirësim të shërbimeve, por largon më tej administratën nga qytetarët. Sipas tyre, nëse synimi do të ishte afrimi i shërbimeve, modeli duhet të ishte ai i njësive më të vogla vendore, duke marrë si shembull disa vende evropiane.

Sipas të dhënave të paraqitura nga selia blu, në vende si Franca, Austria, Spanja, Gjermania dhe Italia, bashkitë kanë një numër mesatar banorësh më të ulët krahasuar me strukturat e mëdha administrative.

Ndërkohë, Bashkia Elbasan aktualisht ka rreth 120 mijë banorë dhe, sipas PD-së, me bashkimin e propozuar mund të arrijë në rreth 200 mijë banorë. Opozita pretendon se ky zgjerim do të vështirësonte ofrimin e shërbimeve dhe do të largonte pushtetin vendor nga komunitetet.

Partia Demokratike ka deklaruar se do ta kundërshtojë këtë projekt me çdo mjet demokratik, duke argumentuar se një administratë që nuk arrin të përballojë nevojat e qytetarëve aktualë të Elbasanit, nuk mund t’u shërbejë më mirë edhe banorëve të Cërrikut dhe Belshit.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...