Elbasani-Vllaznia ishte ndeshja më e rëndësishme e javës së 15-të të Superiores, ku “tigrat” triumfuan 1-0 në një duel mes dy ekipeve në garë për titullin.
Gjithsesi, pas përfundimit të sfidës, një përplasje mes tifozëve ndodhi në shkallët e stadiumit “Elbasan Arena”.
Tifozët e të dyja skuadrave u përleshën me njëri-tjetrin dhe kjo bëri që të ndërhynin menjëherë forcat e policisë për të qetësuar situatën, e cila agravoi më pas jashtë stadiumit.