Kaosi përfshiu ndeshjen mes Egnatias dhe Vllaznisë, sfida që hapi fazën e fundit të Kategorisë Superiore teksa u panë momente tensioni.
Gjithçka ndodhi në minutën e 71 të ndeshjes kur gjyqtari i ndeshjes ndëshkoi me karton të kuq mbrojtësin e Egnatias Xhemajli pas një dueli me sulmuesin e Vllaznisë Bekim Balajn. Një moment ky që acaroi skuadrën e Egnatias e cila për pak caste braktisi fushën e lojës.
Arbitri Lata më pas e verifikoi episodin e Xhemajlit në sistemin VAR duke e konfirmuar vendimin e tij për të ndëshkuar me karton të kuq futbollistin. Më pas e pësoi edhe trajneri i Egnatias, Edlir Tetova, duke u ndëshkuar edhe ajo me karton të kuq. Egnatia u kthye në fushën e lojës pas rreth 7 minutash protestë për të mbyllur ndeshjen rezultati përfundimtar i së cilës ishte 0-0.