IEVP Elbasan krijon Sallën e Aktiviteteve për të dënuarit, në bashkëpunim me Shoqatën Kristiane të Burgjeve: Hap i ri për rehabilitimin dhe riintegrimin

ELBASAN ,07 gusht 2026 / Albania Express News/-Institucioni i Ekzekutimit të Vendimeve Penale (IEVP) Elbasan ka bërë të ditur se, në bashkëpunim dhe me mbështetjen e Shoqatës Kristiane të Burgjeve, është krijuar një Sallë Aktivitetesh, e cila do t’u shërbejë personave të privuar nga liria si një mjedis i dedikuar për zhvillimin e aktiviteteve edukative, sociale dhe rekreative.

Lajmi është bërë publik përmes një postimi në faqen zyrtare në Facebook të IEVP Elbasan, ku theksohet se kjo nismë synon të krijojë kushte më të mira për kalimin e kohës së lirë, duke ndihmuar njëkohësisht në procesin e rehabilitimit dhe riintegrimit të të dënuarve.

Salla e re është pajisur me një sërë mjetesh dhe ambienteve të nevojshme për zhvillimin e aktiviteteve të ndryshme, mes të cilave:

  • Tavolina shahu;
  • Tavolinë ping-pongu;
  • Kënd bisedash;
  • Kënd kinemaje.

Sipas IEVP Elbasan, kjo hapësirë është konceptuar për të nxitur komunikimin, bashkëpunimin dhe ndërveprimin pozitiv mes personave të privuar nga liria, duke ofruar mundësi për aktivitete që ndikojnë në zhvillimin e aftësive sociale dhe në përmirësimin e mirëqenies së tyre.

Institucioni vlerëson se investime të tilla kanë një rol të rëndësishëm në krijimin e një mjedisi më konstruktiv brenda institucionit, duke kontribuar në përgatitjen e të dënuarve për riintegrimin në shoqëri pas përfundimit të vuajtjes së dënimit.

Në përfundim të njoftimit, IEVP Elbasan ka shprehur mirënjohjen për Shoqatën Kristiane të Burgjeve, duke e falënderuar për mbështetjen dhe bashkëpunimin e vazhdueshëm në realizimin e projekteve që synojnë përmirësimin e kushteve dhe programeve rehabilituese për personat e privuar nga liria.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...