Elbasan – Dhimbje në familjen e deputetit demokrat Luçiano Boçi, ndahet nga jeta nëna e tij, Violeta

ELBASAN , 18 nëntor 2026/Albania Express News/-Deputeti i Partisë Demokratike, Luçiano Boçi, po përjeton një humbje të rëndë familjare. Nëna e tij, Violeta, është ndarë nga jeta, ndërsa lajmin e trishtë e ka bërë publik vetë deputeti përmes një mesazhi prekës në rrjetet sociale.

Në një dedikim të mbushur me emocione, Boçi i ka kushtuar të ëmës fjalë të ndjera, duke kujtuar dashurinë e pakushtëzuar, përkujdesjen dhe mbështetjen që ajo i kishte dhënë gjatë gjithë jetës.

Ai e përshkruan Violeta-n si epiqendrën e familjes, burimin e qetësisë dhe një prani të pazëvendësueshme për të gjithë njerëzit e saj të dashur.

Mesazhi i deputetit demokrat prek edhe një aspekt të veçantë të marrëdhënies nënë-bir. Boçi e kujton të ëmën si mbështetësen dhe admiruesen e tij më të madhe, duke e cilësuar me emocion si “fansja ime më e madhe politike”.

“Për ty, si për çdo nënë për birin e saj, unë isha më i miri, më i zoti, më i forti”, shkruan Boçi, duke treguar se krenaria dhe pritja e saj kishin qenë një motivim i vazhdueshëm në jetën e tij.

Në këtë moment dhimbjeje, deputeti shpreh mirënjohjen për gjithçka që nëna e tij i dha familjes, duke e përshkruar si një grua që jetoi me thjeshtësi, mençuri dhe dinjitet, duke dhuruar dashuri pa kërkuar asgjë në këmbim.

Ceremonia mortore dhe pritja e ngushëllimeve

Sipas njoftimit të bërë nga Luçiano Boçi, ceremonia e përcjelljes për në banesën e fundit do të zhvillohet nesër, më 20 nëntor, në orën 11:00, nga ambientet e “Prehje në Paqe” (Rita Park), pranë stadiumit “Elbasan Arena”.

Ndërsa pritja e ngushëllimeve do të organizohet të shtunën, më 21 nëntor, dhe të dielën, më 22 nëntor, në oraret 08:00–13:00 dhe 15:00–17:00, në sallën e pritjes të Hotel “Skampa”, në Elbasan.

Humbja e nënës është një nga dhimbjet më të mëdha njerëzore. Në mesazhin e tij, Luçiano Boçi përcjell jo vetëm trishtimin e ndarjes, por edhe mirënjohjen e thellë për dashurinë dhe sakrificat e një nëne, kujtimi i së cilës do të mbetet i gjallë në familjen e saj.

Albania Express News i shpreh ngushëllimet deputetit Luçiano Boçi dhe familjes për këtë humbje të rëndë. U prehtë në paqe Violeta!

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...