Irani ka paralajmëruar se do të ndërmarrë “veprime ushtarake të paprecedentë” në përgjigje të sekuestrimit të vazhdueshëm nga Shtetet e Bashkuara të anijeve të lidhura me Republikën Islamike.
Lajmi u raportua nga transmetuesi shtetëror Press TV, i cili citoi një burim të lartë të sigurisë.
Ndërkohë, Donald Trump ka përmendur mundësinë e një bllokade ndaj Iranit që mund të zgjasë “disa muaj”, gjatë një takimi të mbajtur të martën me udhëheqës të industrisë së naftës.
Sipas një zyrtari të lartë të Shtëpisë së Bardhë, në takim u diskutuan hapat që administrata amerikane ka ndërmarrë për të stabilizuar tregjet ndërkombëtare të naftës, si dhe mundësia e vazhdimit të bllokadës ekzistuese për një periudhë më të gjatë, nëse do të jetë e nevojshme.
Pjesëmarrësit në takim, të raportuar fillimisht nga Axios, theksuan se synimi është të minimizohet ndikimi i masave të tilla tek konsumatorët amerikanë.