Një ngjarje e rëndë ka tronditur fshatin Strelcë të Maliqit. Tre fëmijë të mitur, Ilda, Sara dhe Joni, kanë mbetur pa strehë pas zjarrit që shkrumboi plotësisht shtëpinë e tyre. Përveç humbjes së banesës dhe të gjithë sendeve personale, drama e tyre është edhe më e madhe pasi nëna e fëmijëve është larguar vetëm pak ditë më parë, duke i lënë vetëm me babain. Apeli për ndihmë vjen nga gazetari Xhensil Shkëmbi.
APELI PËR NDIHMË
Thirrje urgjente për ndihmë! Ilda, Sara dhe Joni, të tre fëmijët që shihni në foto kanë ngelur në qiell të hapur pasi shtëpia e tyre në Strelcë të Maliqit sot u dogj dhe shkrumbua totalisht
Të gjitha rrobat e tyre, librat e shkollës, gjithçka u dogjën dhe të tre fëmijët bashkë me babain e tyre kanë ngelur në qiell të hapur.
Si mos mjaftonte kjo, para një jave, për shkak të problemeve në çift, nëna e tyre është larguar dhe fëmijët kanë ngelur vetëm me babain
Çdokush që kërkon t’i ndihmojë, ky është numri i telefonit të kryefamiljarit 0683212532
