Kombëtarja shqiptare e futbollit ka mbërritur sot në Serbi, pas një fluturimi 49-minutësh nga aeroporti “Nënë Tereza” në Tiranë drejt Nishit.
Skuadra menjëherë është nisur drejt hotelit ku do të qëndrojë, ndërsa në aeroportin serb ajo është pritur nën masa të rrepta sigurie. Pasditen e sotme, ekipi do të udhëtojë drejt Leskovacit, ku trajneri Sylvinho dhe kapiteni i ekipit do të zhvillojnë edhe konferencën për shtyp.
Më pas, kombëtarja do të zhvillojë stërvitjen e fundit në stadiumin “Dubocica”, përgatitje për përballjen e nesërme. Bashkë me ekipin kanë udhëtuar edhe përfaqësues të Federatës Shqiptare të Futbollit dhe disa gazetarë.
Ndeshja me Serbinë do të zhvillohet nesër në Leskovac në orën 20:45, dhe është e vlefshme për grupin K në kualifikueset e Kupës së Botës 2026
