Pas vrasjes së gjyqtarit Astrit Kalaja ditën e hënë, reagimet në rrjetet sociale kanë qenë të shumta dhe të ndryshme. Megjithatë, disa mbështetje për aktin e dhunshëm kanë arritur nivele të papranueshme. Së fundmi, është hapur një faqe në GoFundMe me qëllim mbledhjen e fondeve për autorët e krimit, Elvis dhe Gjon Shkambi, nën sloganin “Support for legal rights for all”.
Fushata, e shpërndarë nga faqja Albanian Women of Michigan dhe e organizuar nga një familjar i të akuzuarve, Francesk Shkambi, synon të sigurojë “mbrojtje ligjore profesionale dhe të pavarur” për dy të rinjtë.
Në përshkrimin e vendosur në platformë, ngjarja paraqitet si një “pasojë e një sistemi të korruptuar drejtësie dhe dështimeve institucionale”, duke u përpjekur kështu të justifikojë aktin kriminal.
