ELBASAN , 20 gusht 2026/Albania Express News/-“Elbasan Arena” pritet të jetë sonte një arenë e vërtetë europiane, ku përveç tifozërisë blu të Dinamos, do të jetë e pranishme edhe një grup i konsiderueshëm mbështetësish nga Qipro.
Të paktën 150 tifozë të FC Pafos pritet të jenë në shkallët e stadiumit për të mbështetur nga afër skuadrën e tyre në përballjen ndaj Dinamo City, e cila luhet sonte në orën 21:00.
Mbështetësit qipriotë do të jenë të vendosur në tribunën C të “Elbasan Arena”, e cila u është rezervuar posaçërisht tifozëve miq. Ata pritet të krijojnë atmosferën e tyre gjatë gjithë ndeshjes, duke shoqëruar skuadrën e Pafos me këngë, brohoritje dhe flamuj.
Për tifozët e skuadrës qipriote, çmimi i biletës është 500 lekë, ndërsa prania e tyre në grup i jep sfidës një tjetër dimension, duke e kthyer stadiumin “Elbasan Arena” në një skenë ku do të përplasen dy tifozeri.
Nga njëra anë, tifozëria verdh e blu e Dinamos, që pritet të dyndet masivisht drejt stadiumit, ndërsa në sektorin mik do të qëndrojnë mbështetësit e Pafos, të ardhur për të qenë pranë ekipit të zemrës në këtë sfidë të rëndësishme europiane.
Kështu, sonte në Elbasan Arena nuk do të jetë vetëm një duel në fushën e blertë. Dinamo City e Tiranës dhe Pafos e Qipros do të kenë përballë njëra-tjetrës edhe dy tifozeri, që pritet t’i japin ngjyra dhe emocione të veçanta mbrëmjes europiane.
Sontë në 21:00 – “Elbasan Arena” ndizet për Dinamo City–FC Pafos!
