TIRANË ,07 gusht 2026 / Albania Express News/-Arbitrat shqiptarë vijojnë të jenë pjesë e ndeshjeve të rëndësishme europiane, ndërsa UEFA kishte përzgjedhur edhe një herë Enea Jorgjin për të drejtuar një përballje të nivelit të lartë.
Arbitri ndërkombëtar shqiptar ishte kryesori i sfidës së raundit të tretë kualifikues të Ligës së Konferencës mes Debrecenit dhe Kopenhagenit. Përballja mes skuadrës hungareze dhe asaj daneze u zhvillua më 6 gusht, në orën 19:00, në stadiumin e Debrecenit.
Jorgji kishte në krah një trupë tërësisht shqiptare. Denis Rexha dhe Xhulio Mani asistuan si arbitra anësorë, ndërsa Olsid Ferataj do të jetë arbitri i katërt i takimit.
Edhe teknologjia VAR jushte përfaqësim shqiptar, pasi Albert Doda mbajti rolin e AVAR-it, në krah të italianit Daniele Doveri, i caktuar si arbitër VAR.
Ky ishte një tjetër vlerësim i rëndësishëm për Enea Jorgjin dhe gjithë arbitrimin shqiptar, duke konfirmuar besimin që UEFA vazhdon t’u japë gjyqtarëve tanë në kompeticionet europiane.
Angazhimet e shpeshta të arbitrave shqiptarë në ndeshjet ndërkombëtare tregojnë progresin profesional të këtij sektori dhe rritjen e prezencës së futbollit shqiptar në arenën europiane.