TIRANË ,01 gusht 2026/Albania Express News/-Presidenti Bajram Begaj, ka dekretuar shpalljen e ligjit për ratifikimin e marrëveshjes së huas ndërmjet Shqipërisë dhe SHBA-së, në kuadër të Financimit të Jashtëm Ushtarak (FMF).
Përmes dekretit Begaj ka dhënë gjithashtu pëlqimin që ligji të hyjë në fuqi menjëherë.
Marrëveshja lidhet me huanë direkte mes Shqipërisë, e përfaqësuar nga Ministria e Financave, dhe SHBA-ve, përfaqësuar nga Agjencia e Bashkëpunimit për Sigurinë dhe Mbrojtjen (DSCA).
Kuvendi i Shqipërisë miratoi me 74 vota më 27 korrik 2026 marrëveshjen e huasë me SHBA-të. Pas bojkotimit të seancën nga opozita,iIshte vetëm PS ajo e cila votoi pro marrëveshjes.
Marrëveshja parashikon një hua në vlerën totale prej 302 milionë dollarësh amerikanë, në kuadër të programit të Financimit të Jashtëm Ushtarak.