Zjarr në zonën e Krastës, ndërhyrja e shpejtë e zjarrfikësve të Elbasanit shmang përhapjen e flakëve

Elbasan ,31 korrik 2026/Albania Express News/-Shërbimi i Mbrojtjes nga Zjarri dhe Shpëtimi i Bashkisë Elbasan ka ndërhyrë me shpejtësi gjatë ditës së sotme për të shuar një vatër zjarri që u shfaq në zonën e Krastës, duke parandaluar përhapjen e flakëve dhe dëme më të mëdha.

Sipas njoftimit zyrtar, alarmi është dhënë në kohë nga qytetarët, ndërsa forcat zjarrfikëse kanë mbërritur menjëherë në vendngjarje, duke bërë të mundur izolimin dhe shuarjen e zjarrit brenda një kohe të shkurtër.

Autoritetet bëjnë me dije se dëmet e shkaktuara kanë qenë të kufizuara. Megjithatë, për shkak të temperaturave të larta, thatësirës së zgjatur dhe erës së fortë, ekzistonte rreziku që flakët të përhapeshin me shpejtësi, duke shkaktuar pasoja të konsiderueshme për mjedisin dhe zonat përreth.

Paraprakisht dyshohet se zjarri mund të jetë shkaktuar nga ndezja e qirinjve pranë të ashtuquajturit “vendi i mirë”, por shkaqet e plota mbeten për t’u verifikuar.

Në këtë kuadër, Bashkia Elbasan u bën thirrje të gjithë qytetarëve të tregojnë kujdes maksimal gjatë kësaj periudhe me rrezik të lartë zjarresh. Autoritetet kërkojnë që të mos ndizet zjarr në mjedise të hapura, kullota, livadhe, pyje apo pranë bimësisë së thatë, pasi edhe një pakujdesi e vogël mund të shkaktojë pasoja të rënda për natyrën, pronën dhe jetën e njerëzve.

Shërbimi i Mbrojtjes nga Zjarri dhe Shpëtimi thekson se bashkëpunimi i qytetarëve dhe njoftimi i menjëhershëm për çdo vatër zjarri mbeten vendimtarë për parandalimin e fatkeqësive, ndërsa falënderon të gjithë ata që kontribuojnë me përgjegjësi në mbrojtjen e mjedisit dhe sigurinë e komunitetit.

S

 

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...