Rajoni Nikaj-Mërturi, thesar i çmuar i Alpeve Shqiptare

TROPOJË, 29 korrik 2026 /Albania Express News/- Rajoni Nikaj-Mërturi, cilësohet si një nga thesaret më të vyera të Alpeve Shqiptare dhe zonë me potencial të jashtëzakonshëm për zhvillimin e turizmit malor.

Kryeministri Edi Rama ndau sot në rrjetet sociale pamje nga Nikaj-Mërturi, duke e cilësuar këtë zonë si një nga thesaret më të çmuara të Alpeve Shqiptare, ku natyra e paprekur, peizazhet mbresëlënëse dhe mikpritja tradicionale u ofrojnë vizitorëve një përvojë unike.

Në postimin e tij, Rama theksoi rëndësinë e projektit ALPS, të mbështetur nga Ministria e Turizmit, Kulturës dhe Sportit , i cili bëri bashkë administratorë të bujtinave, hoteleve dhe guida turistike për të diskutuar mbi sfidat dhe mundësitë e zhvillimit të turizmit malor.

Sipas Ramës, dialogu me aktorët lokalë përbën një hallkë të rëndësishme në ndërtimin e një modeli të qëndrueshëm zhvillimi, që synon të promovojë vlerat natyrore dhe kulturore të Nikaj-Mërturit, duke fuqizuar njëkohësisht ekonominë lokale dhe ofertën turistike të zonës.

Rama nënvizoi se valorizimi i potencialit të jashtëzakonshëm turistik të këtij destinacioni përmes bashkëpunimit me komunitetin vendas është çelësi për ta kthyer Nikaj-Mërturin në një prej pikave më tërheqëse të turizmit malor në Shqipëri.

Nikaj-Mërtur është një rajon i vogël historik në rrethin e Tropojës. Në aspektin administrativ, Nikaj-Mërtur i përket qarkut nën bashkinë Lekbibaj, krahas fshatit Rajë që i përket bashkisë së Fierzës. Në lindje kufizohet me bashkinë e Bujanit, me Thethin në veri, me Shalën dhe Shoshin në perëndim dhe në jug me Tropojën.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...