JAPONI ,29 korrik 2026/Albania Express News/-Të paktën 13 persona kanë humbur jetën si pasojë e tërmetit me magnitudë 6.8 ballë që goditi prefekturën jugore Kumamoto të Japonisë.
Lajmin e konfirmoi të mërkurën kryeministrja Sanae Takaichi, sipas transmetuesit publik japonez NHK.
Tërmeti ka shkaktuar dëme të konsiderueshme në infrastrukturë dhe ka lënë dhjetëra persona të bllokuar.
Një qendër tregtare është shembur pjesërisht, ndërsa ekipet e shpëtimit po punojnë për të nxjerrë personat që ndodhen nën rrënoja.
Autoritetet raportojnë gjithashtu se disa persona rezultojnë të zhdukur në një fabrikë letre, ndërsa një urë autostrade është shembur si pasojë e lëkundjeve të forta sizmike.
Në përgjigje të situatës, mijëra pjesëtarë të forcave ushtarake janë mobilizuar për të përshpejtuar operacionet e kërkim-shpëtimit dhe shpërndarjen e ndihmave në zonat e prekura, raportoi transmetuesi publik NHK.