Magjia e Lumit të Shalës, parajsa alpine që mahnit turistët vendas dhe të huaj ,pamje spektakolare nga destinacioni më i kërkuar i verës në Shqipëri

SHKODËR ,25 korrik 2026/Albania Express News/-Lumi i Shalës vijon të mbetet një nga destinacionet më të preferuara turistike në Shqipëri, duke tërhequr çdo verë mijëra vizitorë vendas dhe të huaj. I njohur për ujërat e tij kristal të kaltër, peizazhet mahnitëse dhe natyrën e paprekur, ky perlë e Alpeve Shqiptare është kthyer në një pikë referimi për turizmin e aventurës gjatë muajve qershor-gusht.

Kryeministri Edi Rama publikoi sot në rrjetet sociale një video me pamje mbresëlënëse nga Lumi i Shalës, ku turistët shihen duke shijuar lundrimin, notin dhe bukuritë e jashtëzakonshme natyrore të zonës.

Lumi i Shalës buron rrëzë Alpeve Shqiptare dhe përshkon rreth 37 kilometra, nga burimi në majën e Radohinës deri në bashkimin me lumin Drin. Ujërat e tij me ngjyrë blu të thellë, të ftohta dhe tepër të pastra, janë ndër karakteristikat më të veçanta të këtij destinacioni, ndërsa shkëmbinjtë e lartë që e rrethojnë krijojnë një panoramë spektakolare.

Zona është gjithashtu e pasur me biodiversitet, ku spikat trofta e ujërave të ëmbla, ndërsa vizitorët kanë mundësi të praktikojnë sporte të aventurës, lundrim me varka, kajak dhe aktivitete të tjera në natyrë.

Me bukurinë e saj unike, Lumi i Shalës vazhdon të konsiderohet një nga “parajsat e fshehura” të Shqipërisë, duke u renditur çdo vit ndër destinacionet më të vizituara dhe më të fotografuara të sezonit veror.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...