SLLOVENI ,23 korrik 2026/Albania Express News/-Dinamo City zbret sonte në fushë për një tjetër sfidë europiane, teksa do të përballet me Aluminij në transfertë, në ndeshjen e parë të turit të dytë të Ligës së Konferencës. Takimi në Slloveni do të nisë në orën 20:00 dhe “Nëndetësja” kërkon të hedhë hapin e parë drejt kualifikimit.
Trajneri Ilir Daja ka vendosur për formacionin titullar që do të zbresë në fushë, duke bërë disa ndryshime në krahasim me përballjen e fundit ndaj Astanës. Ndryshimi më i spikatur është aktivizimi i Ruçit në vend të Malomos, një zgjedhje që i jep Dinamo City një formacion tërësisht me futbollistë shqiptarë.
Daja ka ruajtur skemën e preferuar 3-5-2, me të cilën skuadra kryeqytetase do të kërkojë të kontrollojë mesfushën dhe të jetë e rrezikshme në fazën sulmuese. Edhe Aluminij pritet të zbresë me të njëjtin modul taktik, duke e bërë përballjen edhe më interesante nga pikëpamja strategjike.
Dinamo City vjen në këtë përballje me besimin se mund të kalojë më tej dhe konsiderohet favorite në letër përballë skuadrës sllovene. Aluminij e mbylli sezonin e fundit në vendin e shtatë në kampionatin me 10 skuadra, ndërsa arriti të sigurojë një biletë për Europën falë triumfit në Kupën e Sllovenisë.
Për ekipin e Ilir Dajës kjo është një mundësi e rëndësishme për të vijuar rrugëtimin europian dhe për të treguar se mund të përballet denjësisht edhe jashtë Shqipërisë. Një rezultat pozitiv në Slloveni do të ishte një hap i madh përpara përpara ndeshjes së kthimit.
Formacioni zyrtar i Dinamo City:
(3-5-2) – me ndryshimin Ruçi në vend të Malomos.
FORMACIONET ZYRTARE
Aluminij – Dinamo
