BOTËRORI 2026 ,26 qershor 2026/Albania Express News/- Gëzimi për fitoren bindëse 3-0 të Meksikës ndaj Çekisë në Kampionatin Botëror u kthye në makth në qytetin turistik të Cabo San Lucas.
Të mërkurën në mbrëmje, një automjet u hodh mbi mijëra tifozë që kishin bllokuar Bulevardin Lázaro Cárdenas për të festuar kalimin e grupit.
Sipas dëshmive, mjeti u rrethua nga njerëzit dhe shoferi, nën presionin e turmës, akseleroi papritur duke përplasur dhjetëra këmbësorë. Menjëherë pasi makina u ndal, kalimtarët e nxorën zvarrë drejtuesin e mjetit dhe e sulmuan fizikisht, derisa forcat e policisë ndërhynë për ta shpëtuar dhe arrestuar.
Nga ky incident dramatik mbetën të lënduar 17 persona, përfshirë vetë shoferin, ndërsa njëri prej tifozëve ndodhet në kujdes intensiv mjekësor. Ky është rasti i dytë i kësaj natyre gjatë këtij Kampionati Botëror, pasi një ngjarje identike u regjistrua javën e kaluar në qytetin e Chihuahua-s. Autoritetet vendase kanë nisur një hetim të gjerë, duke apeluar për shmangien e kaosit gjatë festimeve masive në rrugë.