ELBASAN,18 maj 2026/Albania Express News/Bashkia Elbasan dhe Shoqëria Rajonale Ujësjellës Kanalizime Elbasan kanë njoftuar qytetarët se ditën e martë, më 19 maj 2026, do të ketë ndërprerje të furnizimit me ujë në të gjithë qytetin e Elbasanit.
Sipas njoftimit zyrtar, ndërprerja do të ndodhë gjatë orëve të mbrëmjes për shkak të punimeve që do të kryhen në linjën kryesore të transmetimit nga stacioni drejt depos së ujit.
Autoritetet bëjnë thirrje që qytetarët të marrin masat e nevojshme paraprake për rezervimin e ujit të pijshëm dhe përdorimin familjar, deri në rikthimin normal të furnizimit.
Shoqëria Rajonale Ujësjellës Kanalizime Elbasan falënderon qytetarët për mirëkuptimin, ndërsa thekson se ndërhyrja po realizohet për përmirësimin e sistemit të furnizimit me ujë në qytet.