TIRANË,7 maj 2026/Albania Express News/Seanca e sotme plenare e kësaj të enjte nisi me mbajtjen e një minutë heshtjeje për ish-kryetarin e Kuvendit, Servet Pëllumbi i cili u nda nga jeta në moshën 89-vjeçare.
“Profesor Pëllumbi formoi breza të tërë studentësh dhe la një trashëgimi të pasur. Në nderim të jetës dhe veprës së ish-kryetarit të Kuvendit të Shqipërisë, Servet Pëllumbi, ju ftoj të mbajmë 1 minutë heshtje”, u shpreh kryeparlamentari Niko Peleshi.
Dje u mbajt ceremonia mortore në nderim të Pëllumbit. Në ceremoni morën pjesë shumë figura të njohura të politikës ku ndër ta ishte dhe kryeministri Edi Rama.