Kryeministri i Izraeli, Benjamin Netanyahu, ka paralajmëruar se vendi i tij do të vazhdojë sulmet ndaj Hezbollah “kudo që të jetë e nevojshme”, pavarësisht marrëveshjes së armëpushimit me SHBA-në.
Në një deklaratë publike, Netanyahu theksoi se çdo veprim kundër civilëve izraelitë do të marrë përgjigje të menjëhershme. “Mesazhi ynë është i qartë: kushdo që vepron kundër civilëve izraelitë do të goditet. Ne do të vazhdojmë të godasim Hezbollahun kudo që të jetë e nevojshme, derisa të rikthejmë sigurinë e plotë për banorët e veriut”, u shpreh ai.
Më herët, Izraeli ka bërë të ditur se marrëveshja e armëpushimit nuk përfshin Libanin, ndërsa Irani ka reaguar duke i cilësuar sulmet e vazhdueshme si një “shkelje të rëndë” të marrëveshjes.
Deklaratat e Netanyahut vijnë pasi ushtria izraelite, Forcat e Mbrojtjes së Izraelit (IDF), njoftoi eliminimin e Ali Yusuf Harshi, sekretar dhe nip i liderit të Hezbollahut, Naim Qassem.