Drejtuesi Politik i Partisë Demokratike për Qarkun Elbasan, Tomorr Alizoti, së bashku me deputetët e kësaj force politike në qark, organizuan një mbledhje me Kryesinë dhe kryetarët e grupseksioneve, ku prezantuan kryetarin e ri të Partisë Demokratike për degën Elbasan, z. Alis Narazani.
Z. Narazani merr drejtimin e degës pas një procesi model zgjedhor, ku secili kandidat pati mundësinë të shprehte vizionin e tij dhe të fitonte besimin e demokratëve. Ai do të udhëheqë me përgjegjësi dhe përfaqësim dinjitoz këtë degë të rëndësishme të partisë.
Para procesit zgjedhor, PD e Elbasanit ka ndërmarrë disa përjashtime të anëtarëve që nuk respektonin rregullat e brendshme të partisë, duke garantuar një garë të drejtë dhe transparente për kandidatët. Ky hap u vlerësua si i domosdoshëm për të siguruar stabilitetin dhe integritetin e procesit zgjedhor.
Gjatë takimit u diskutua forcimi dhe ristrukturimi i strukturave të Partisë Demokratike, si dhe përditësimi i anëtarësisë, një hap ky i domosdoshëm për të rritur angazhimin dhe për të bashkuar të gjithë demokratët e Qarkut Elbasan.
Me energji të reja dhe entuziazëm, PD synon të forcojë pozicionin e saj dhe të shënojë fitore në Elbasan dhe në të gjithë Shqipërinë.
