Katër persona kanë humbur jetën pranë bregut të veriut të Francës pasi u përpoqën të kalonin Kanalin e Anglisë, njoftuan autoritetet lokale franceze.
Sipas mediave lokale, rreth 30 persona po marrin kujdes nga shërbimet e emergjencës. Zjarrfikës dhe ekipe të kujdesit intensiv mbërritën në vendngjarje në orën 07:30 lokale.
Aktualisht janë duke u zhvilluar operacionet e shpëtimit, ndërsa ende nuk dihet shtetësia e tyre, apo numri i saktë i personave në varkë.
Pas disa javësh moti të keq, gjendja në Kanal ka qenë e qetë ditët e fundit, dhe kalimet me varka janë rritur zakonisht në muajt e verës. Në vitin 2025, 41,472 persona arritën në Mbretërinë e Bashkuar nga Franca me varka të vogla. Nga 1 janari deri më 26 mars 2026, 4,441 persona kanë kaluar Kanalin, 33% më pak se në të njëjtën periudhë të vitit 2025.