Një aksident është regjistruar në aksin rrugor Gramsh-Maliq , ku një karrotrec ka dalë jashtë rruge, duke përfunduar në anë të saj së bashku me mjetin e rëndë që transportonte, një ekskavator.
Sipas informacioneve paraprake, dyshohet se drejtuesi i mjetit ka humbur kontrollin, çka ka bërë që karrotreci të devijojë nga rruga. Për pasojë, edhe ekskavatori i vendosur mbi të është rrëzuar, duke e rënduar situatën në vendngjarje.
Fatmirësisht, deri në këto momente nuk raportohen persona të lënduar rëndë, ndërsa dëmet materiale janë të konsiderueshme.
Policia ka mbërritur në vendin e ngjarjes dhe po punon për zbardhjen e plotë të rrethanave të aksidentit, si dhe për normalizimin e qarkullimit në këtë segment rrugor, i cili përkohësisht është vështirësuar.
Drejtuesit e mjeteve të tregojnë kujdes të shtuar, veçanërisht në akse me kthesa dhe terren të vështirë, për të shmangur ngjarje të tilla.