Një ngjarje e rëndë është regjistruar në Librazhd, ku një 23-vjeçar ka humbur jetën në rrethana aksidentale.
Sipas informacionit paraprak, në Spitali i Librazhdit është dërguar për ndihmë mjekësore shtetasi Leonard Duka, 23 vjeç, i cili dyshohet se është dëmtuar aksidentalisht gjatë kohës që po riparonte mjetin e tij në servisin e shtetasit me iniciale I. P.
Pavarësisht përpjekjeve të bluzave të bardha, i riu nuk ka mundur t’u mbijetojë plagëve të marra, duke ndërruar jetë si pasojë e dëmtimeve.
Grupi hetimor ndodhet në vendngjarje dhe po punon për zbardhjen e plotë të rrethanave si dhe për dokumentimin ligjor të këtij rasti tragjik.