Klubi i Elbasanit ka nisur shitjen e abonimeve sezonale për ndeshjet e kampionatit, duke ofruar ulje të ndjeshme për të gjithë sportdashësit verdheblu.
Çmimet variojnë nga vetëm 1.800 lekë të reja për tribunat e zakonshme, deri në 18.000 lekë për zonën VIP, duke i dhënë mundësi çdo tifozi të zgjedhë vendin e preferuar në stadium.
Përmes kësaj nisme, drejtuesit e klubit kërkojnë të sjellin sa më shumë tifozë në shkallët e stadiumit “Elbasan Arena”, duke krijuar atmosferën që ekipi ka nevojë në sezonin e ri.
Verdheblutë presin mbështetje maksimale nga tifozët, duke e konsideruar këtë si vitin ku bashkimi dhe zëri i publikut do të bëjnë diferencën.
Klubi ka njoftuar se abonimet janë tashmë në dispozicion pranë zyrave të klubit dhe pikave të shitjes në qytet, ndërsa ka paralajmëruar edhe disa surpriza për tifozët që do të sigurojnë kartën sezonale.
albaniaexpress.al