Një natë e çmendur futbolli ishte kjo e mërkurë në Ligën e Kampionëve, ku në total u shënuan plot 42 gola. Rezultati më surprizues erdhi nga “Anfield”, ku Liverpool u mposht thellë 1-4 nga PSV-ja, duke tronditur tifozët vendas.
Ndërkohë, Real Madrid arriti një fitore dramatike në Greqi ndaj Olympiacos me shifrat 3-4, nën ritmin e një superperformance të Kylian Mbappé, i cili shënoi të katër golat e madrilenëve.
Spektakël golash u pa edhe në Francë, ku PSG triumfoi 5-3 ndaj Tottenham, duke dhënë një tjetër ndeshje spektakolare të mbrëmjes.
Në sfidat e tjera, Atalanta e Berat Gjimshitit mposhti bindshëm Frankfurtin 0-3, ndërsa Sporting fitoi pastër 3-0 ndaj Club Brugge.
Rezultatet e plota:
- Copenhagen 3-2 Kairat Almaty
- Pafos 2-2 Monaco
- Arsenal 3-1 Bayern München
- Atletico Madrid 2-1 Inter
- Frankfurt 0-3 Atalanta
- Liverpool 1-4 PSV
- Olympiacos 3-4 Real Madrid
- PSG 5-3 Tottenham
- Sporting 3-0 Club Brugge
