Një tërmet me magnitudë 4.8 të shkallës Rihter u regjistrua në orën 02:08 të mëngjesit në ishullin e Kretës, duke shkaktuar shqetësim mes banorëve në disa zona të rajonit. Lëkundja, që zgjati vetëm disa sekonda, u ndje qartë në një pjesë të madhe të ishullit.
Sipas Institutit Gjeodinamik, epiqendra e tërmetit është lokalizuar rreth 21 kilometra në veriperëndim të Rethymno-s, ndërsa të dhënat fillestare tregojnë për një dridhje të fortë dhe të perceptueshme. Thellësia e tërmetit është llogaritur në 33.5 kilometra, çka mund të ketë ndikuar në përhapjen më të gjerë të lëkundjes.
Deri më tani nuk raportohet për dëme materiale apo persona të lënduar, ndërsa autoritetet dhe ekipet e mbrojtjes civile vijojnë monitorimin e situatës.