Nga Mentor Kikia
Belinda Balluku është e vetmja ministre që vihen nën akuzë dhe nën masë sigurie, ndërsa ishte në detyrë. Më herët, të tjerë ishin shkarkuar e zhgraduar politikisht para se të futeshin në listat e SPAK-ut, duke zbutuar efektin politik të masave të drejtësisë.
Por hezitimi, apo s’di ç’tjetër arsye, e kryeministrit për ta shkarkuar nga detyra, bëri që gjykata, veç ndalimit të daljes jashtë vendit, të vendosë edhe shkarkimin e saj nga funkionet e larta administrative, si Zv/kryeministre dhe Ministër i Energjisë dhe Infrastrukturës.
Morali politik e donte që znj.Balluku të ishte dorëhequr, sapo iu komunikua akuza.
Morali politik e donte që, në mungesë të dorëheqjes, kryeministri ta shkarkonte.
Por nuk ndodhi as njëra as tjetra, deri sa ndërhyri gjykata ta ndajë këtë punë
Një ditë para këtij vendimi, Znj/.Balluku u dëgjua në parlament ndërsa u thoshte kundërshtarëve politikë se “ju më akuzoni se unë ju kam mundur, ju kam ulur në gjunjë disa herë”.