FIFA publikoi sot renditjen e përditësuar të kombëtareve pas ndeshjeve të zhvilluara në muajin nëntor.
Shqipëria ka pësuar një rënie me dy pozicione. Fitorja me Andorrën ka sjellë pikë minimale, të cilat janë neutralizuar nga humbja në shtëpi ndaj Anglisë. Pas fitores 0-1 ndaj Andorrës dhe humbjes 0-2 përballë Anglisë, kuqezinjtë zbritën nga vendi i 61-të në të 63-tin.
Megjithatë, skuadra e drejtuar nga Sylvinho e ka siguruar tashmë kualifikimin në fazën “Play-off” të Botërorit 2026, ndërsa të enjten pritet të mësojë kundërshtarin e gjysmëfinales.
Ndërkaq, Kosova është 4 vende më lart në klasifikimin e FIFA-s, duke u pozicionuar në vendin e 80-të. Triumfi 0-2 ndaj Sllovenisë dhe barazimi 1-1 me Zvicrën, i shtynë Dardanët drejt kualifikimit në fazën “Play-off” të Botërorit.
Klasifikimi i muajit nëntor i FIFA-s është ai tek i cili do të bazohen shortet për “play-off”-in e Botërorit, por edhe për fazën finale të tij.
Ashtu siç dihet, renditja e FIFA-s për zonë e Europës mban Shqipërinë në vazon e tretë në short që do të thotë se do të luajë jashtë fushe ndeshjen e parë gjysmëfinale në “Play-off”.