Tre persona kanë humbur jetën dhe dhjetëra të tjerë janë plagosur si pasojë e motit ekstrem të shkaktuar nga stuhia tropikale Claudia në Portugali. Presidenti portugez, Marcelo Rebelo de Sousa, në një deklaratë të shkurtër, shprehu solidaritetin e tij me familjet e viktimave pas goditjes së stuhisë në zonën e Albufeiras këtë mëngjes.
Sipas Mbrojtjes Civile, erërat e fuqishme shkaktuan plagosjen e dy personave në incidente të ndryshme. Ndërkohë, në një restorant pranë bregdetit të Albufeiras, shembja e pjesshme e çatisë çoi në lëndimin e 20 personave të tjerë.
Pjesa jugore e Portugalisë është vendosur nën alarm portokalli për shkak të kushteve të rënduara atmosferike të ditëve të fundit.