Shqipëria do të zbresë në fushë ditën e enjte, në orën 20:45, përballë Andorrës në transfertë, në një sfidë të vlefshme për kualifikueset e Kupës së Botës 2026. Pak para sfidës është bërë i ditur edhe arbitri që do të vendosë drejtësi në këtë duel të rëndësishëm për kuqezinjtë.
Takimi do të gjykohet nga rumuni Horațiu Feșniç, një arbitër me përvojë, i cili nuk e ka drejtuar më parë Kombëtaren, por ka arbitruar disa prej klubeve shqiptare në arenën europiane, përfshirë Partizanin, Tiranën dhe Vllazninë.
36-vjeçari do të ndihmohet nga bashkëkombasit e tij Valentin Avram, Alexandru Cerei dhe Rares Vidican. Ndërkohë në dhomën e VAR-it do të jenë Ovidiu Haţegan dhe Adrian Costreie.
Feșniç debutoi si arbitër kryesor në kampionatin rumun më 12 mars 2012, në moshën 22-vjeçare, ndërsa në vitin 2016 u përfshi në listën e FIFA-s, duke gjykuar më pas disa ndeshje të rëndësishme ndërkombëtare.