Të paktën tre alpinistë, përfshirë një shtetas francez, kanë vdekur pasi u goditën nga një ortek në Himalaja, në Nepalin verilindor, shkruan BBC.
Incidenti ndodhi pranë kampit bazë të malit Yalung Ri, në distriktin Dolakha.
”Të vrarët ishin pjesë e një grupi prej 12 alpinistësh dhe guidash lokale që u nisën më shumë se një orë para se të binte orteku”, theksoi shefi i policisë së distriktit.
Grupi përfshinte edhe dy italianë, një gjerman dhe një kanadez.
Pesë guida nepaleze që u kthyen në kampin bazë u plagosën, por jo në gjendje kritike.
Përpjekjet e shpëtimit po vazhdojnë.
Zëvendësshefi lokal i policisë Gyan Kumar Mahato tha se një helikopter shpëtimi ishte ulur sot në zonën Na Gaun të Dolakhas.
”Përpjekjet për të gjetur ata që ende mungojnë janë penguar nga moti i keq dhe problemet logjistike”, sipas raportimeve të medias lokale