Futbollisti i Crvena Zvezdës dhe anëtari i kombëtares serbe, Nemanja Radonjiç, ka shpërthyer ashpër ndaj trajnerit Dragan Stojkoviç pas humbjes ndaj Shqipërisë në Leskovc.
Në një postim në “Instagram Story”, Radonjiç publikoi një foto të vetes me fanellën e Serbisë dhe një flamur japonez në sfond, shoqëruar me këngën e njohur të Indira Radiç, “Heroji”.
“Ti nuk ishe kurrë hero, të fal për këtë, sepse tradhtarët e duan vetëm veten”, është vargu i këngës që futbollisti ka zgjedhur — një mesazh që, sipas mediave serbe, i drejtohet drejtpërdrejt trajnerit Stojkoviç, duke e akuzuar atë për “tradhti” pas humbjes ndaj kuqezinjve.