Ura e Mesit, e ndërtuar në shekullin XVIII mbi lumin Kir, është kthyer në një atraksion absolut për turistët pas restaurimit të fundit.
Kryeministri Edi Rama përcolli sot në rrjetet sociale, pamje nga Ura e Rilindur e Mesit, duke e konsideruar një atraksion historik që vijon të mbetet një nga më të frekuentuarat nga turistët.
E ndërtuar në shekullin XVIII mbi lumin Kir, ura është një monument i trashëgimisë kulturore dhe një nga destinacionet më të vizituara të veriut të vendit.
Zona e Postribës në Shkodër po rritet si një destinacion turistik, ku natyra, historia dhe kultura ndërthuren në mënyrë harmonike, duke ofruar përvoja të paharrueshme për çdo vizitor.
Ura e Mesit u ndërtua në vitin 1768 nga Mehmet Pashë Bushati dhe dikur shërbente për të lidhur Drishtin me Shkodrën. Ura e Mesit ka gjatësi 108 metra, gjerësi 3,4 metra dhe ka 13 harqe jo simetrike.