Trupat ruse lëshuan dje gjatë natës raketa hipersonike “Kinzhal” dhe dhjetëra dronë në qytetin lindor të Ukrainës, Kremençuk dhe në disa pjesë të rajonit, Poltava, sipas “The U.S. Sun”.
Ndërsa Moska ka pretenduar se mbrojtja ajrore ruse ka interceptuar dhe shkatërruar 77 dronë ukrainas mbi rajonet e saj, mbrëmjen e djeshme.
Autoritetet lokale në Rostov Oblast, në jug të Rusisë raportuan se infrastruktura energjetike është dëmtuar për shkak të sulmeve të urdhëruara nga Kievi.
Disa raketa hipersonike “Kinzhal” dhe dhjetëra dronë rusë u lëshuan në Kremençuk, i cili ndodhet rreth 250 kilometra në juglindje të kryeqytetit Kiev.
Kryetari i bashkisë, Vitaliy Maletsky raportoi se furnizimi me energji elektrike, ujë dhe ngrohje ishte ndërprerë në disa zona dhe se personeli po punonte për të rivendosur këto shërbime.
“Një tjetër sulm masiv ndaj infrastrukturës së Kremençukut ka shkaktuar ndërprerje të energjisë elektrike, ujit dhe ngrohjes në disa zona të qytetit”, tha kryebashkiaku në Telegram.
“Të gjitha shërbimet e qytetit po punojnë pa ndërprerje për të rivendosur sistemet e rëndësishme të shërbimeve sa më shpejt të jetë e mundur”,