Nga viti në vit, prodhimi i pjeshkëve në Bashkinë Peqin ka njohur rritje të ndjeshme, falë përvojës së çmuar të fermerëve dhe asistencës së specialistëve të bujqësisë. Peqini është i njohur prej kohësh për kultivimin e pjeshkëve dhe pemëve të tjera frutore, duke u shndërruar në një ndër zonat më të rëndësishme frutore të vendit.
Një rol vendimtar në këtë sukses ka pasur puna e bashkisë për pastrimin dhe mirëmbajtjen e kanaleve kulluese, çka ka siguruar ujë të mjaftueshëm për vaditje. Ky investim ka ndikuar drejtpërdrejt në rritjen e prodhimit dhe cilësisë së frutave.
Falë këtyre përpjekjeve, prodhimi i pjeshkëve dhe frutave të tjera të zonës jo vetëm që furnizon tregun vendas, por tashmë konkurron me sukses edhe në tregun ndërkombëtar, duke promovuar emrin e Peqinit si një qendër të rëndësishme të bujqësisë moderne shqiptare.
albaniaexpress.al