CËRRIK ,5 qershor 2026/Albania Express News/Ekipi i futbollit Turbina U15 ka kurorëzuar një sezon të jashtëzakonshëm duke u shpallur kampion i Qarkut Elbasan për sezonin 2025–2026.
Të rinjtë e Cërrikut e mbyllën kampionatin me një bilanc mbresëlënës prej 58 pikësh, të grumbulluara falë 19 fitoreve, 1 barazimi dhe vetëm 2 humbjeve, duke dëshmuar cilësi, disiplinë dhe përkushtim gjatë gjithë sezonit.
Ky sukses është fryt i punës së vazhdueshme të futbollistëve, stafit teknik dhe mbështetjes së familjeve, të cilët kanë kontribuar në rritjen dhe formimin sportiv të këtyre talenteve të rinj. Performanca e ekipit ka qenë një shembull i qartë se investimi te të rinjtë dhe puna serioze sjellin rezultate konkrete.
Shpallja kampion e Turbinës U15 përbën një krenari për qytetin e Cërrikut dhe për të gjithë komunitetin sportiv, duke konfirmuar potencialin e madh që ekziston në futbollin e moshave.
Tashmë skuadra do të përqendrohet te sfida e radhës, Play Off-i Kombëtar, ku synon të vazhdojë paraqitjet pozitive dhe të përfaqësojë denjësisht Qarkun Elbasan.
