ATHINË, 26 shtator 2026 /Albania Express News/- Janë identifikuar personat që ndodhen ende nën rrënojat e godinës së shembur një ditë më parë në lagjen Plaka të Athinës, pas një shpërthimi të fuqishëm.
Sipas informacioneve të raportuara nga korrespondenti i Top Channel, Artur Bibe, në mesin e personave të prekur nga tragjedia janë edhe shtetas me origjinë shqiptare, të cilët, sipas raportimeve, ndodheshin në Athinë për qëllime turistike.
Mes tyre janë edhe Florin Hoxha dhe Florida Hoxha, motër e vëlla, ndërsa identitetet e personave të tjerë të raportuar janë:
- Florin Hoxha
- Florida Hoxha
- Eris Cani
- Ian Alexander Kirkpatrick
- Edmond Hings
- Athina Papapresku
Ngjarja ka shkaktuar tronditje të madhe, ndërsa ekipet e emergjencave vijojnë operacionin për kërkimin dhe nxjerrjen e personave që ndodhen nën rrënoja.
Autoritetet greke po vijojnë hetimet për të përcaktuar shkaqet dhe rrethanat e shpërthimit që solli shembjen e godinës në një nga zonat historike të Athinës.
Albania Express News do të vijojë të përcjellë informacionet e konfirmuara lidhur me bilancin e tragjedisë dhe identifikimin e viktimave.