Presidenti i Ukrainës, Volodymyr Zelensky, njoftoi se një sulm ajror rus gjatë natës shkaktoi të paktën tre viktima dhe mbi 30 të plagosur në disa rajone të vendit. Sipas tij, objektivi kryesor i Moskës ishte infrastruktura civile, me qëllim krijimin e frikës te popullata dhe dëmtimin e kapaciteteve jetike të Ukrainës.
Forcat ajrore ukrainase deklaruan se Rusia ka lëshuar gjithsej 619 raketa dhe dronë, ndërsa Ministria e Mbrojtjes ruse pretendoi se objektivat e goditura ishin të natyrës ushtarako-industriale dhe se janë përdorur “armë precize”.
Ndërkohë, Moska raportoi se katër persona humbën jetën pas një sulmi me dron ukrainas në rajonin Saratov, ku sipas Kievit u godit një rafineri e madhe nafte. Raportime të tjera flasin edhe për dëmtime në një tjetër rafineri në rajonin fqinj të Samarës.
