TIRANË, 24 maj 2026/Albania Express News/ Kryetari i Partisë Demokratike, Sali Berisha në qëndrimin e tij të së djelës, i është përgjigjur akuzave të kryeministrit Edi Ramës, duke u shprehur se, “ai po mashtron shqiptarët lidhur me raportin e IBAR-it dhe realitetin e procesit të integrimit europian të vendit’.
Kryedemokrati Berisha shprehet se në raportin e miratuar më 21 maj opozita nuk ka shkruar ‘asnjë fjalë’, por sipas tij, dokumenti pasqyron pothuajse pikë për pikë të gjitha problemet madhore që opozita ka denoncuar prej kohësh.
“Është mashtrim dy metra i gjatë të thuhet se protestat u bënë për IBAR-in. Protestat nisën që në dhjetor, kur Edi Rama mori në mbrojtje Belinda Ballukun për të mbrojtur veten e tij”, deklaron kreu i demokratëve Berisha në qëndrimin e tij.