TIRANË, 08 shtator 2026 /Albania Express News/ – Tensionet gjatë protestës në kryeqytet janë përshkallëzuar mbrëmjen e sotme, teksa protestuesit kanë bllokuar disa prej akseve rrugore në Tiranë.
Përballë situatës së krijuar, efektivët e Policisë së Shtetit u kanë bërë thirrje protestuesve që të lirojnë rrugët dhe të mos pengojnë qarkullimin e mjeteve.
“Lironi rrugën”, dëgjohet t’u drejtohen efektivët protestuesve, ndërsa situata në terren vijon të jetë e tensionuar.
Sipas raportimit të gazetares së Top Channel, Dorjana Bezat, gjatë përplasjeve mes protestuesve dhe efektivëve të policisë janë shoqëruar edhe disa protestues të tjerë.
Policia ka ndërhyrë për të rikthyer qarkullimin në akset e bllokuara, ndërsa vijon monitorimi i situatës dhe zhvillimet në protestë./Tch