Një gjest bujar ka tërhequr vëmendjen e Italisë: pronari i njohur i një kompanie mobiliesh, Giampietro Nardi, vendosi t’u japë 180 punonjësve të tij një bonus prej 1500 eurosh për të festuar ditëlindjen e tij të 80-të.
Sipas mediave italiane, ideja lindi nga vajzat e tij, Floriana dhe Anna, të cilat donin të shënonin këtë përvjetor të veçantë duke shkruar një libër për jetën dhe historinë e babait të tyre. “Babai ynë është një njeri i thjeshtë, i vetë-bërë, i cili mbështeti shumë njerëz në fshatin e tij. Organizuam një festë me punonjësit, të cilët i dhuruan një libër me dedikime personale. Babai ynë u prek vërtet dhe vendosi t’u jepte një dhuratë,” shpjegojnë vajzat.
Gjesti i Nardit është një mënyrë për të falënderuar stafit për punën dhe besimin e tyre. “Kompania është ajo që është, pjesërisht falë njerëzve që punojnë çdo ditë për të zhvilluar. Ne u detyrohemi shumë stafit,” shtojnë vajzat e tij.
Ky veprim nuk është vetëm një dhuratë financiare, por edhe një shenjë respekti dhe mirënjohjeje për punonjësit që kontribuojnë çdo ditë në suksesin e kompanisë.
