Presidenti i Koresë së Jugut, Lee Jae-myung, deklaroi të enjten se Koreja e Veriut ndodhet në fazën përfundimtare të zhvillimit të një rakete balistike ndërkontinentale (ICBM), e cila mund të godasë Shtetet e Bashkuara. Deklarata u bë gjatë vizitës së tij në Bursën e Nju Jorkut, duke paralajmëruar për avancime të shpejta teknologjike nga Pheniani.
Sipas Lee, Koreja e Veriut ka vazhduar zhvillimin e raketave balistike për të forcuar regjimin e Kim Jong-un dhe për të rritur ndikimin në bisedimet me SHBA-të. Megjithatë, teknologjia e rihyrjes në atmosferë, e cila është kritike për funksionimin e raketave, ende nuk është përfunduar, por është shumë pranë realizimit.
Presidenti i Koresë së Jugut nënvizoi gjithashtu se, pavarësisht përpjekjeve të Seulit dhe aleatëve perëndimorë për të ndaluar programin bërthamor të Phenianit, Koreja e Veriut po prodhon mjaftueshëm material për 15–20 bomba bërthamore çdo vit. Lee shtoi se objektivi kryesor mbetet ngrira e zhvillimit dhe eksportit të armëve bërthamore dhe raketave ndërkontinentale, duke nënvizuar se ndërprerja e prodhimit do të sjellë përfitime të konsiderueshme për sigurinë globale.