Partia Demokratike pritet të mbledhë sot Kryesinë, me fokus kryesor zgjedhjet e pjesshme që do të zhvillohen më 9 nëntor në gjashtë bashki të vendit, ku kjo forcë politike ende nuk ka shpallur kandidatët, përfshirë Tiranën.
Gjatë mbledhjes, grupet e punës do të raportojnë mbi ecurinë e bisedimeve me aleatët në lidhje me përfaqësimin në këto zgjedhje, ndërsa pritet të ketë edhe diskutime e vendimmarrje për organizimin e procesit elektoral në çdo bashki.
Vakancat janë krijuar pas dorëheqjeve të kryetarëve në bashkitë Vlorë, Berat, Mat, Tepelenë dhe Cërrik. Ndërkohë, në Bashkinë e Tiranës, zgjedhjet e pjesshme vijnë pas shkarkimit të ish-kryetarit Erion Veliaj, i cili ndodhet në paraburgim që prej datës 10 shkurt.